Hunar Ke Chand Pas e Aftab Roshan Hain

Hunar ke chaand, haseen aaftaab roshan hain Yeh tere naam ki nisbat ke khwaab roshan hain

Instant Access to Thousands of Lyrics - Tap to Install!

Bata rahe hain mah-o-mehr-o-kehkashaan-o-nujoom Ke naqsh-ha-e-Risalat-Ma'ab roshan hain

Hira ke ghaar se phooti jo roshni ki kiran Usi kiran se kayi aaftaab roshan hain

Yeh kis ki chashm-e-karam ki hai wus'atein jis mein Mohabbaton ke hazaar intisaab roshan hain

Woh ek noor ke jis ki tajalliyon se Shakeel Usool-e-deen, shariyat, kitaab roshan hain