Hum Pe Nazar e Karam Tajdar e Haram

Hum pe nazar-e-karam, Tajdar-e-Haram Nek ban jaayen hum, Tajdar-e-Haram

Dard-e-isyaan mite, aadat-e-bad chhute Shah-e-Arab-o-Ajam, Tajdar-e-Haram

Nafs-o-shaitan ka, aah! ghalba hua Ya Nabi ho karam, Tajdar-e-Haram

Yaksan hon madh-o-zamm mujh ko kar do karam Kuch khushi ho na gham, Tajdar-e-Haram

Bad-kalami na ho, yaawa-goi na ho bolun Main kam se kam, Tajdar-e-Haram

Rakkhun neechi nazar mein, idhar ya udhar Kuch na dekhun karam, Tajdar-e-Haram

Ashkbaari karun, aah-o-zaari karun Ho nigah-e-karam, Tajdar-e-Haram

Ishq-e-Khallaq do, husn-e-akhlaq do Ho nigah-e-karam, Tajdar-e-Haram

Khoob mukhlis banun, main riya se bachun Ho nigah-e-karam, Tajdar-e-Haram

Aafatein jaayen tal, mushkilein bhi hon hal Kar do aisa karam, Tajdar-e-Haram

Hon durood-o-salam Aaqa lab par mudam Har ghari dam-ba-dam, Tajdar-e-Haram

Bad-khasail talen, seedhay raste chalen Kar do Aaqa karam, Tajdar-e-Haram

Ho gaya gar azaab, ae Risalat-maab Seh saken ge na hum, Tajdar-e-Haram

More Lyrics, Less Storage - Install the App and Ditch the Screenshots!

Khuld ki do sanad, az tufail-e-Samad Ya Shafee-e-Umam, Tajdar-e-Haram

Roz-e-Mahshar shaha! mujh gunahgar ka Aap rakhna bharam, Tajdar-e-Haram

Zahir-o-batin ek, Aaqa ho kar do nek Ya Shafee-e-Umam, Tajdar-e-Haram

Apna deewana kar, mast-o-mastana kar Shahryar-e-Iram, Tajdar-e-Haram

Ab Madine bula, sabz gumbad dikha Chumun khaak-e-Haram, Tajdar-e-Haram

Sabr-o-himmat mile, yun shahadat mile Mera sar ho qalam, Tajdar-e-Haram

Kaash aaye woh pal, rote rote nikal Jaaye qadmon mein dam, Tajdar-e-Haram

Kaash! hota shaha, jism-e-Attar ka Khaak-e-Taibah mein zamm, Tajdar-e-Haram