Hum Jo Karte Hain Irada Tera

ہم جو کرتے ہیں ارادہ تیرا تُو ہمارے لیے اپنا بن جا

ہے فقط تیری تمنا مالک تُو خریدار ہمارا بن جا

ہیں چلے تیری اِرادت لے کر تُو مرے شوق کا ملجا بن جا

دل میں تاباں ہے محبت تیری تُو بھی محبوب ہمارا بن جا

جیتے ہیں تیری رضا کی خاطر تُو بھی اس درد کا ماویٰ بن جا

ہم فقط مانگے ہیں تجھ کو تجھ سے تُو بھی اِس چاہ کا مولا بن جا

ہے بھروسہ جو ہمیں تو تجھ پر کاملاً تو بھی ہمارا بن جا

ہم نے منہ موڑ لیا دنیا سے تُو ہمارے لیے چہرہ بن جا

ہم تو ہیں اپنے کیے پر نادم تُو بھی توّاب ہمارا بن جا

چاہتے ہیں تری قربت مولا تُو بھی اب دل کا اُجالا بن جا