Hum Hain Iltaja Wale

Hum hain iltija wale aap ﷺ hain ata wale Bheek kuch ata karna ay mere sakha wale

Chhed na hamein duniya hum hain Mustafa ﷺ wale Sayyad-ul-Wara wale Shah-e-Dosara wale

Ibn-e-Murtaza ؑ ne kaha sun Shimr jafa wale Nana hai Nabi ﷺ apna hum hain Karbala wale

Get Lyrics On-The-Go! Download Our App Now!

Mar to jayenge lekin ghair se na maangenge Aaqa ﷺ aap ke bhikari to hain badi ana wale

Main mareez-e-Tayyabah hoon mujhe us gali mein le jao Haan wahi gali jis ke zarre hain shifa wale

Khud kaha mere Rab ne bakhash doon ga main sab ko Aayen yaar ke dar par ye jitne hain khata wale

Maal-o-zar ki ay Altaf ؔ kuch nahi hamein parwah Jaan bhi lutate hain aadmi wafa wale