Hum Dar e Aaqa Pe Sar

Hum dar-e-Aaqa pe sar apna jhuka lete hain Sach batana are duniya tera kya lete hain

Is ko aankhon pe bithate hain zamane wale Jis ko Mehboob-e-Khuda apna lete hain

Waqt ki qaid nahin, hain yeh karam ki baatein Jab bhi Sarkar ki marzi ho bula lete hain

Gham ke maron ka tabeebo na karo koi ilaaj Hum gham-e-ishq-e-Nabi mein bhi maza lete hain

Patharo tum to ho patthar magar Aaqa mere Tum se gar chahein to kalma bhi parha lete hain

Jab nahin milti kahin se bhi sukoon ki daulat Teri mehfil tere deewane saja lete hain

Free Up Space - Get Lyrics Without Bulky Screenshots!

Yeh bhi Sarkar ki rehmat hai karam hai un ka Hum jahan jayen wahan rang apna jama lete hain

Gumbad-e-Khizra Khuda tujh ko salamat rakhe Dekh lete hain tujhe pyas bujha lete hain

Jab se dekha hai Niazi woh Riaz-ul-Jannah Hum to ghar baithe hi jannat ki hawa lete hain