Hum Dar e Aaqa Pe Sar

ہم درِ آقا پہ سر اپنا جھکا لیتے ہیں سچ بتانا ارے دنیا تیرا کیا لیتے ہیں

اس کو آنکھوں پہ بٹھاتے ہیں زمانے والے جس کو محبوبِ خدا اپنا لیتے ہیں

وقت کی قید نہیں، ہیں یہ کرم کی باتیں جب بھی سرکار کی مرضی ہو بلا لیتے ہیں

غم کے ماروں کا طبیبو نہ کرو کوئی علاج ہم غمِ عشقِ نبی میں بھی مزہ لیتے ہیں

پتھرو تم تو ہو پتھر مگر آقا میرے تم سے گرچاہیں تو کلمہ بھی پڑھا لیتے ہیں

جب نہیں ملتی کہیں سے بھی سکوں کی دولت تیری محفل تیرے دیوانے سجا لیتے ہیں

یہ بھی سرکار کی رحمت ہے کرم ہے ان کا ہم جہاں جائیں وہاں رنگ اپنا جما لیتے ہیں

گنبد خضریٰ خدا تجھ کو سلامت رکھے دیکھ لیتے ہیں تجھے پیاس بجھا لیتے ہیں

Your Lyrics, Even Offline - Install the App for Free!

جب سے دیکھا ہے نیازی وہ ریاض الجنۃ ہم تو گھر بیٹھے ہی جنت کی ہوا لیتے ہیں