Hudood Tair e Sidra

Hudood-e-taair-e-Sidra, Huzoor jaante hain Kahan hai Arsh-e-Mualla, Huzoor jaante hain

Har ek harf-e-tamanna, Huzoor jaante hain Tamaam haal dilon ka, Huzoor jaante hain

Unhein khabar hai kahin se parho durood un par Tamaam dehar ka naqsha, Huzoor jaante hain

No Internet? No Problem! Get the App for Offline Lyrics!

Baroz-e-hashr shafa'at karenge chun chun kar Har ek ghulam ka chehra, Huzoor jaante hain

Baroz-e-hashr shafa'at karenge woh lekin Agar hua ye aqeeda, Huzoor jaante hain

Main is yaqeen se nikla hoon hazri ke liye Mere safar ka irada Huzoor jaante hain

Bula bhi sakte hain woh aur aa bhi sakte hain Ke dooriyon ko mitana Huzoor jaante hain

Main maangta hoon unhi se, unhi se maangta hoon Huzoor par bharosa, Huzoor jaante hain

Khuda ne is liye Qasim unhein banaya hai Ke baantne ka qareena Huzoor ﷺ jaante hain

Pohanch ke Sidra par Rooh-ul-Amin kehne lage Yahan se aage ka rasta, Huzoor jaante hain

Qayamat aayegi kab, un ko ilm hai Sarwar, Zuhoor-e-kun ka bhi lamha Huzoor jaante hain

Sikhayi baat ye Sarwar hamein Sahaba ne Ke jaanta hai Khuda ya, Huzoor jaante hain

Kahenge khuld mein Sarwar, Nabi ke deewane Zara woh naat sunana, Huzoor jaante hain