Hudood Tair e Sidra

حدود طائر سدرہ، حضور جانتے ہیں کہاں ہے عرشِ معلّی، حضور جانتے ہیں

ہر ایک حرفِ تمنّا، حضور جانتے ہیں تمام حال دلوں کا، حضور جانتے ہیں انھیں خبر ہے کہیں سے پڑھو درود ان پر تمام دہر کا نقشہ، حضور جانتے ہیں بروزِ حشر شفاعت کریں گے چُن چُن کر ہر اک غلام کا چہرہ، حضور جانتے ہیں بروزِ حشر شفاعت کریں گے وہ لیکن اگر ہوا یہ عقیدہ، حضور جانتے ہیں میں اس یقین سے نکلا ہوں حاضری کے لیئے مرے سفر کا ارادہ حضور جانتے ہیں بلا بھی سکتے ہیں وہ اور آ بھی سکتے ہیں کہ دوریوں کو مٹانا حضور جانتے ہیں میں مانگتا ہوں انھی سے، انھی سے مانگتا ہوں حضور پر بھروسہ، حضور جانتے ہیں خدا نے اس لئے قاسم انھیں بنایا ہے کہ بانٹنے کا قرینہ حضورﷺ جانتے ہیں پہنچ کے سدرہ پر روح الامین کہنے لگے یہاں سے آگے کا رستہ، حضور جانتے ہیں قیامت آئے گی کب، ان کو علم ہے سرور، ظہورِ کن کا بھی لمحہ حضور جانتے ہیں سکھائی بات یہ سرور ہمیں صحابہ نے کہ جانتا ہے خدا یا، حضور جانتے ہیں کہیں گے خلد میں سرور، نبی کے دیوانے ذرا وہ نعت سنانا، حضور جانتے ہیں