Ho Nigah E Karam Ya Muhammad

Ho nigah-e-karam Ya Muhammad tere bin koi mera nahi hai Ab to mujh ko Madine bula lo zindagi ka bharosa nahi hai

Your Lyrics, Even Offline - Install the App for Free!

Meri qismat mein woh din bhi aaye sabz gumbad ke hasil hon saaye Meri is ke siva mere Aaqa aur koi tamanna nahi hai

Bazm-e-aalam ke roshan sitare tere dam se saje hain nazare Gar na tera karam hua hai Aaqa phir diya koi jalta nahi hai

La-makan tak hai teri rasai geet gaati hai teri khudai Woh jagah hi nahi do jahan mein jis jagah tera jalwa nahi hai

Beet jayenge din zindagi ke hum bhi mangte hain teri gali ke Tere sadqe se kya kya na paya tere dar se mila kya nahi hai