Ho Madine Ka Ticket

Ho Madine ka ticket mujh ko ata Data Piya Aap ko Khwaja Piya ka wasta Data Piya

Mujh ko Ramzan-e-Madinah ki ziyarat ho naseeb Kharch ho rah-e-Madinah ka ata Data Piya

Do na do marzi tumhari tum Madine ka ticket Main pukare jaunga Data Piya Data Piya

Daulat-e-dunya ka sail ban ke main aaya nahi Mujh ko deewana Madine ka bana Data Piya

Kash main roya karun ishq-e-Rasool-e-Pak mein Soz do aisa paye Ahmad Raza Data Piya

No More Screenshots! Save Storage with Our Lyrics App!

Gham mujhe meethe Madine ka ata kar do shaha Mera seena bhi Madinah do bana Data Piya

Meethe meethe Mustafa ki bargah-e-Pak mein Kijiye meri sifarish aap ya Data Piya

Go zaleel-o-khwar hun papi hun main badkar hun Aap ka hun aap ka hun aap ka Data Piya

Arzoo hai maut aaye Gumbad-e-Khazra tale Hath utha kar kijiye haq se dua Data Piya

Main hun isyan ka mareez aur tum tabib-e-asiyan Ho ata mujh ko gunahon ki dawa Data Piya

Aap ki chashm-e-karam ho jaye gar badhal par Door ho gham ki abhi kali ghata Data Piya

Kya gharaz dar-dar pharun main bheek lene ke liye Hai salamat aastana aap ka Data Piya

Jholiyan bhar bhar ke le jate hain mangte raat din Ho meri ummeed ka gulshan hara Data Piya

Mujh ko Data tajdaran-e-jahan se kya gharaz Main to hun mangta tere darbar ka Data Piya

Ujre ghar aabad hon aur gham ke mare shad hon Ho tere har ek mangte ka bhala Data Piya

Dum daba kar bhaag jaye sher bhi gar dekh le Aap ke darbar ka kutta shaha Data Piya

Kash! phir Lahore mein neki ki dawat aam ho Faiz ka darya baha do sarwara Data Piya

Masjiden aabad hon aur sunnatten bhi aam hon! Faiz ka darya baha do sarwara Data Piya

Saare mangte apne chehre par sajayen darhiyan Faiz ka darya baha do sarwara Data Piya

Takht-e-shahi ki nahi hai arzoo Attar ko Is ko bas kutta banalo apna ya Data Piya