Ho Gya Hajiyon Ka Shuru

Ho gaya haajiyon ka shuru ab shumaar Idhn mujh ko bhi de do Shah-e-Zi-Waqar

Teri nazar-e-karam ka hoon ummeedwar Go mere jurm Sarkar hain beshumaar

Phir Madine ki jaanib chale qaafle Ho gaye aashiqan-e-Nabi be-qaraar

Find Your Favorite Lyrics Anytime, Anywhere - Install the App Today!

Az paye Ghous-e-Azam nigah-e-karam Phir dikha do Madine ke lail-o-nahaar

Mere meethe Madine ki kya baat hai Hai fiza mehki mehki hawa khushgawar

Jis qadar bhi hain Islami bhai behan Sab ko bulwao Mehboob-e-Parwardigar

Arsh par farsh par khuld par khalq par Idhn-e-Rabb se hai naafiz tera iqtidaar

Keejiye door dunya ke ranj-o-alam Aap par mere halaat hain aashkaar

Mere nazdeek aaye na pat jhar kabhi Tajdar-e-Madinah do aisi bahaar

Phans gayi nao isyaan ke toofan mein Ab laga do mere naakhuda jald paar

Mere daaman-e-tar ki Shafee-ul-Wara Laaj rakhna khudara baroz-e-shumaar

Sunnaton ka main charcha karoon raat din Ho ata aisa jazba paye Chariyaar

Ae Madine ke zaair dar-e-paak par Arz karna mera bhi salaam ashkbaar

Peer-o-Murshid ke sadqe ho aisi ata Aaye Attar darbaar mein baar baar