Ho Gya Hajiyon Ka Shuru

ہو گیا حاجِیوں کا شُروع اب شُمار اِذن مجھ کو بھی دے دو شہِ ذی وقار

تیری نظرِ کرم کا ہوں اُمّیدوار گو مِرے جُرم سرکار ہیں بے شمار

پھر مدینے کی جانب چلے قافلے ہو گئے عاشِقانِ نبی بے قرار

از پئے غوثِ اعظم نگاہِ کرم پھر دکھا دو مدینے کے لَیل و نَہار

میرے میٹھے مدینے کی کیا بات ہے ہے فَضا مہکی مہکی ہوا خوشگوار

جس قَدَر بھی ہیں اسلامی بھائی بہن سب کو بُلواؤ محبوبِ پروردگار

عَرش پر فرش پر خُلد پر خَلق پر اذنِ رب سے ہے نافِذ ترا اقتِدار

کیجئے دُور دنیا کے رنج و اَلَم آپ پر میرے حالات ہیں آشکار

میرے نزدیک آئے نہ پت جھڑ کبھی تاجدارِ مدینہ دو ایسی بہار

پھنس گئی ناؤ عِصیاں کے طوفان میں اب لگا دو مِرے ناخدا جلد پار

میرے دامانِ تَر کی شفیعُ الورٰی لاج رکھنا خدارا بَروزِ شمار

Get Lyrics On-The-Go! Download Our App Now!

سنّتوں کا میں چرچا کروں رات دن ہو عطا ایسا جذبہ پئے چاریار

اے مدینے کے زائر درِ پاک پر عرض کرنا مِرا بھی سلام اشکبار

پیرومرشِد کے صدقے ہو ایسی عطا آئے عطارؔ دربار میں باربار