Har Taraf Shor Tha

Har taraf shor tha roshni roshni Dhoondta tha har ek aadmi roshni

Aap ﷺ tashreef laaye ujaala hua Arsh se farsh par aagayi roshni

Zulmatein chhat gayin shirk aur kufr ki Har jagah hogayi Aap ﷺ ki roshni

Aap ﷺ ne hi toh aakar bataya hamein "Teergi maut hai, zindagi roshni"

Wajah-e-takhleeq-e-kon-o-makaan Aap ﷺ hain Donon aalam mein hai Aap ﷺ ki roshni

Dars-e-amn-o-sadaqat diya Aap ﷺ ne Aap ﷺ se hi mili pyaar ki roshni

Download Lyrics & Access Offline - Install Our App Now!

Anjum khasta jaan ka naseeba khula Apne Aqa ﷺ se isko mili roshni