Har Dam Ho Mera Wird Madina

Har dam ho mira wird Madinah hi Madinah Ban jaaye mira dil teri ulfat ka khazina

Woh lamha woh din aur woh aajaye mahina Phir kaash! tarapta hua pahunchun main Madinah

Taibah mein bula kar mujhe Sultan-e-Madinah Deedar ki khatir ho ata aankh bhi beena

Seena ho Madinah to Madinah bane seena Aur yaad teri dil mein rahe Shah-e-Madinah

Aajaye mujhe kaash! Shahenshah-e-Madinah Rone ka tarapne ka pharakne ka qareena

Isiyan ke talatum mein phansa mera safeena Dooba main sambhalo! mujhe Sarkar-e-Madinah

Ae Noor-e-Khuda noor bhari dil pe nazar ho Ho noor se pur-noor yeh be-noor nageena

Sarkar! tamanna hai yunhi umar basar ho Marna teri ulfat mein teri yaad mein jeena

Why Screenshot When You Can Download? Get the App for Efficient Storage!

Ghamgeen tere gham mein rahun kaash! hamesha Roti rahen aankhein to sulagta rahe seena

Saqi! mujhe jaam aisa mohabbat ka pilado Utare na nasha is ka kabhi Shah-e-Madinah

Tum khaak-e-Madinah mere lashe pe chirakna Phir malna kafan par jo mile un ka paseena

Attar talabgar hai bas nazar-e-karam ka Lillah karam, jaan-e-karam, behr-e-Madinah