Haqiqat Main Lutf e Zindagi

Haqeeqat mein woh lutf-e-zindagi paya nahi karte Jo yaad-e-Mustafa ﷺ se dil ko behlaya nahi karte

Your Lyrics, Even Offline - Install the App for Free!

Zaban par shikwa-e-ranj-o-alam laya nahi karte Nabi ﷺ ke naam-lewa gham se ghabraya nahi karte

Yeh darbar-e-Muhammad ﷺ hai yahan milta hai be-maange Arey nadan yahan daaman ko pheylaya nahi karte

Arey Oona samajh qurban hoja unke roze par Yeh lamhe zindagi mein baar baar aaya nahi karte

Yeh darbar-e-risalat hai yahan apnon ka kya kehna Yahan se haath khali ghair bhi jaya nahi karte

Muhammad Mustafa ﷺ ke baagh ke sab phool aise hain Jo bin paani ke tar rehte hain murjhaya nahi karte

Jo unke daaman-e-aqdas se wabasta hain ae Hamid Kisi ke samne woh haath pheylaya nahi karte