Hamd Uski Bargah Mein

Hamd uski bargah mein aajz ka iqrar hai Naat shaan-e-Mustafa ﷺ ka dil nasheen izhaar hai

Hamd kya hai gulshan-e-wahdat ke phoolon ki lari Naat kya hai dil se darbar-e-Nabi ﷺ ki haziri

Hamd kya hai wartah-e-hairat mein gum hone ka naam Naat kya hai ishq mein aankhon ke nam hone ka naam

Hamd kya husn-e-fitrat ki haseen tabeer hai Naat kya hai bas isi tabeer ki tasveer hai

Hamd kya husn-e-alam taab mein khone ka naam Naat kya hai ulfat-e-sarkar mein rone ka naam

Hamd kya jalwa-e-husn-e-azal ki kehkashaan Naat kya hai ishq ki wadi mein rehna gulfishaan

Hamd kya wajah-e-takhleeq-e-jahan ki raagni Naat kya hai bas Siraj-e-Mustafa ﷺ ki roshni

Hamd kya hai sarmadi anwaar ki tanveer hai Naat kya hai husn-e-alam taab ki tasveer hai

Hamd kya nasha-e-jaam-e-hazali ka junoon Naat kya hai chashma-e-soz-e-Bilali ka fasoon

Hamd kya hai rifaton ki rifatein paane ka naam Naat kya hai dard mein is dil ke tarpane ka naam

Free Up Space - Get Lyrics Without Bulky Screenshots!

Hamd kya hai daaman-e-hasti ki saari daulatein Naat kya hai shehr-e-jaan mein zindagi ki raunaqein

Hamd kya hai wadi-e-Batha ki pehli raagni Naat kya hai arsa-e-mehshar ki pehli roshni

Hamd kya hai ghairat ke abr ke chhatne ka naam Naat kya hai koocha-e-mehboob mein lutne ka naam

Hamd ki tanveer se duniya hai roshan dambadam Naat ki ta'zeem se qaim hai tauqeer-e-haram

Hamd kya hai naghma-e-wird-e-zaban-e-Mustafa ﷺ Naat sidq-e-dil se hai izhaar-e-shaan-e-Mustafa ﷺ

Hamd ka misdaq Khaliq-e-jahan-e-rang-o-bu Naat ka misdaq hai saare jahan ki aabroo