Hamd Uski Bargah Mein

حمد اس کی بارگہ میں عجز کا اِقرار ہے نعت شانِ مصطفیٰؐ کا دل نشین اِظہار ہے

حمد کیا ہے گلشنِ وحدت کے پھولوں کی لڑی نعت کیا ہے دل سے دربارِ نبیؐ کی حاضری

حمد کیا ہے ورطۃ حیرت میں گم ہونے کا نام نعت کیا ہے عشق میں آنکھوں کےنم ہونےکانام

Never Be Without Your Favorite Lyrics - Get the App for Offline Access!

حمد کیا حسنِ فطرت کی حسیں تعبیر ہے نعت کیا ہے بس اسی تعبیر کی تصویر ہے

حمد کیا حسنِ عالم تاب میں کھونے کا نام نعت کیا ہے الفت سرکار میں رونے کا نام

حمد کیا جلوۃ حسنِ ازل کی کہکشاں نعت کیا ہےعشق کی وادی میں رہنا گلفشاں

حمد کیا وجہِ تخلیق جہاں کی راگئی نعت کیا ہےبس سراج مصطفیٰؐ کی وشنی

حمد کیا ہے سرمدی انوار کی تنویرہے نعت کیا ہے حسنِ عالم تاب کی تصویرہے

حمد کیا نشۃ جامِ حزالی کا جنوں نعت کیا ہے چشمۃ سوزِ بلالی کا فسوں

حمد کیا ہے رفعتوں کی رفعتیں پانےکا نام نعت کیا ہے درد میں اس دل کے تڑپانے کا نام

حمد کیا ہے دامنِ ہستی کی ساری دولتیں نعت کیا ہے شہرِ جاں میں زندگی کی رونقیں

حمد کیا ہے وادیِ بطحا کی پہلی راگنی نعت کیا ہے عرصہ محشر کی پہلی روشنی

حمد کیا ہے غیرت کےابرکےچھٹنے کا نام نعت کیا ہے کوچۃ محبوب میں لٹنے کا نام

حمد کی تنویر سے دنیا ہے روشن دمبدم نعت کی تعظیم سے قائم ہے توقیر حرم

حمد کیا ہے نغمہ وردِ زبانِ مصطفیٰؐ نعت صدقِ دل سے ہے اظہارِشانِ مصطفیٰؐ

حمد کا مصداق خلاقِ جہانِ رنگ و بو نعت کا مصداق ہےسارےجہاں کی آبرو