Hamd Hai Uss Ke Liye Jis Ne Utari Hamd Hai

Hamd hai us ke liye jis ne utari hamd hai Aal-e-Ahmad asl mein sari ki sari hamd hai

Ek hai ibn-e-Mazahir ek hai Hur-e-jari Ek nuzuli naat hai ek ikhtiyari hamd hai

Jis namazi ko Khuda kehne lagi fehm-e-bashar Us wali-e-asr ki sajda guzari hamd hai

Find Your Favorite Lyrics Anytime, Anywhere - Install the App Today!

Zer-e-khanjar woh pukara Qul hu Allah-u-Ahad Ghaib se aawaz aayi yeh hamari hamd hai

Pusht-e-naaqa par bhi Alhamdulillah-li-ahl likh diya Dukhtar-e-Khair-ul-Wara ki sheh sawari hamd hai

Qabr mein do noor chamke aur malak kehne lage Yeh tumhari naat hai, aur yeh tumhari hamd hai