Hain Rehmaton Ki Barishain Taiba Main Ja Ke Dekh

Hain rehmaton ki barishen Tayyiba mein ja ke dekh Sab ke gunaah dhouti hain to aazma ke dekh

Sadaqa wahan pe batta hai har waqt dosto Tujh ko nawaazenge Aaqa daaman phaila ke dekh

Jo sukoon ki talaash hai Aaqa ka ban gada Rehmat ki hon gi barish to aazma ke dekh

Aaqa ki naat parhta to Sunnat Khuda ki hai Gar shak hai tujh ko dost Quran utha ke dekh

Tayyiba ki barakat ke liye Aaqa ne ki dua Makkah se dogni barkatein Tayyiba mein jaake dekh

Rehmat ki chham chham barishen hon gi tere bhi ghar Zikr-e Rasool Pak ki mehfil saja ke dekh

Ho jaaye ga seena tera par noor dostaa Nagma Madinay wale ka ek baaraga ke dekh

Instant Access to Thousands of Lyrics - Tap to Install!

Irfan Thaqib tere bhi dhal jaayein ge gunaah Chand ghadiyan un ki yaad mein aansu baha ke dekh