Hai Yeh Fazal e Khuda

Hai yeh fazl-e-Khuda, main Madine mein hoon Hai usi ki ata, main Madine mein hoon

Ya Rasool-e-Khuda, main Madine mein hoon Tum ne bulwa liya, main Madine mein hoon

Go gunahgar hoon, main bad-atwar hoon Par karam hai tera, main Madine mein hoon

Sar pe isyaan ka baar, aah! hai namdar Par karam hai tera, main Madine mein hoon

Jurme ki had nahi, Shah-e-Dunya-o-Deen Par karam hai tera, main Madine mein hoon

Koi khoobi nahi, paas neki nahi Par karam hai tera, main Madine mein hoon

Sakht badkar hoon, masiyat-kar hoon Par karam hai tera, main Madine mein hoon

No Internet? No Problem! Get the App for Offline Lyrics!

Mera qalb-e-siyah, dijiye jagmaga Ab toh noor-e-Khuda, main Madine mein hoon

Zang kafoor ho, qalb pur-noor ho Kardo chashm-e-ata, main Madine mein hoon

Hai yeh rehmat teri, aur inayat teri Saath hai qafila, main Madine mein hoon

Jante ho main kyun, aaya Taiba mein hoon Hain yahan Mustafa, main Madine mein hoon

Murshidi ne kaha, tu nahi ja raha Balke hai aa raha, main Madine mein hoon

Apne mehman ko, gham Madine ka do Sarwar-e-Anbiya, main Madine mein hoon

Aankh roya kare, qalb tadpa kare Kardo aisi ata, main Madine mein hoon

Shah-e-Khairul-Anam, apni ulfat ka jaam Ek chalakta pila, main Madine mein hoon

Deedo seena-figar, aankh bhi ashkbaar Dil tadapta hua, main Madine mein hoon

Aamina ke pisar, mujh ko khasta-jigar Ab toh kardo ata, main Madine mein hoon

Aisi masti mile, hosh jata rahe Aisa mujh ko guman, main Madine mein hoon

Be-qarari mile, aah-o-zari mile Ho karam Mustafa, main Madine mein hoon

Apna deewana kar, mujh ko mastana kar Mast-o-be-khud bana, main Madine mein hoon

Jhoomta jhoomta, khaak ko choomta Main phiroon ja-ba-ja, main Madine mein hoon

Kaash! rota phiroon, ek tamasha banoon Be-khudi ho ata, main Madine mein hoon

Apne gham mein Shaha, mujh ko aisa guman Ho na apna pata, main Madine mein hoon

Apna keh dijiye, mujh ko de dijiye Mujda-e-jaan-faza, main Madine mein hoon

Ab shafa'at ki, mujh ko sanad ho ata Ya Shafi'ul-Wara, main Madine mein hoon

Dhoop thandi yahan, chhaon mehki yahan Hai mu'attar faza, main Madine mein hoon

Shab munawwar yahan, din mu'ambar yahan Thandi thandi hawa, main Madine mein hoon

Hai saman noor noor, aa raha hai suroor Hai munawwar faza, main Madine mein hoon

Mujh pe ehsan ho, poora armaan ho Aap ki deed ka, main Madine mein hoon

Khoob hairan hoon, aur pareshan hoon Door kar do bala, main Madine mein hoon

Jalwa-e-yaar ka, un ke deedar ka Maula sharbat pila, main Madine mein hoon

Jaam pee loon shahadat ka, Shah-e-Anam Ho karam ho ata, main Madine mein hoon

Jhoomte hain shajar, wajd mein hain hajar Har su hai kaif sa, main Madine mein hoon

Gumbad-e-Sabz par, har manare pe hai Noor chhaya hua, main Madine mein hoon

Dasht-o-kohsar par, kisht-o-gulzar par Har su chhayi ziya, main Madine mein hoon

Choomon ashjaar ko, phool ko khaar ko Aisa be-khud bana, main Madine mein hoon

Koi chara na kar, marne de chara-gar Loon maza maut ka, main Madine mein hoon

Choomon hariyan, choom loon daliyan Bosa loon khaar ka, main Madine mein hoon

Meri eid aaj hai, meri mi'raj hai Main yahan aa gaya, main Madine mein hoon

Un ke darbar-o-dar, aur deewar par Noor hai chha raha, main Madine mein hoon

Hai karam hi karam, haan Khuda ki qasam Khak-e-hoon keh raha, main Madine mein hoon

Khoob umand aayi hai, har taraf chhayi hai Rehmaton ki ghata, main Madine mein hoon

Aankh mein hai saji, tan pe bhi hai lagi Mere khaak-e-shifa, main Madine mein hoon

Mujh ko taqdeer par, is ki tanveer par Rashk hai aa raha, main Madine mein hoon

Do Baqi-e-Mubarak mein, do gaz zameen Tum se hai iltija, main Madine mein hoon

Maut qadmon mein do, apne Attar ko Ho karam Sarwara, main Madine mein hoon