Hai Sab Jahan Pe Dosto Rehmat Huzoor Ki

Hai sab jahan pe dosto rahmat-e-Huzur ki Kausar-e-Huzur ka hai aur Jannat Huzur ki

Mehshar ke roz Allah se rahmat woh paayega jis ke zara bhar dil mein hai ulafat-e-Huzur ki

Siddiq teri qismat par naazaan hain do jahaan Hai har jagah tujh ko mili qurbat-e-Huzur ki

Jin-o-bashar mala'ikah shajar-o-hajar bhi sab Aur kar raha hai Allah bhi madhat-e-Huzur ki

Why Screenshot When You Can Download? Get the App for Efficient Storage!

Ae dosto to Aqa ke dar ka hai ban gada Jannat mein leke jaaye gi nisbat-e-Huzur ki

Duniya-e-Fani se mera jis waqt jana ho Karta yeh jaaye Saqib bas madhat-e-Huzur ki