Guzar Ho Jaye Mera

Guzar ho jaaye mera bhi agar Taibah ki galiyon mein Toh saari zindagi kar doon basar Taibah ki galiyon mein

Hawaayein rehmat-e-Haq ki wahan chalti hain roz-o-shab Barasta noor hai shaam-o-sahar Taibah ki galiyon mein

Jidhar dekhi usi mah-e-mubeen ki chandni dekhi Jamaal-e-Mustafa aaya nazar Taibah ki galiyon mein

Muhammad Mustafa ke ishq mein har aankh pur-nam hai Yeh dekha hai mohabbat ka asar Taibah ki galiyon mein

Durood un par, salaam un par, salaam un par, durood un par Wazeefa ho yahi shaam-o-sahar Taibah ki galiyon mein

No Internet? No Problem! Get the App for Offline Lyrics!

Farishte bhi adab se sar jhukaate hain wahan Arshad Meri bhi kyun na jhuk jaaye nazar Taibah ki galiyon mein