Guzar Ho Jaye Mera

گزر ہوجاۓ میرا بھی اگر طیبہ کی گلیوں میں توساری زندگی کردوں بسرطیبہ کی گلیوں میں

ہوائیں رحمت حق کی وہاں چلتی ہیں روزوشب برستا نور ہے شام و سحر طیبہ کی گلیوں میں

جدھردیکھی اسی ماہ مبیں کی چاندنی دیکھی جمال مصطفیٰ آیا نظر طیبہ کی گلیوں میں

محمد مصطفیٰ کے عشق میں ہر آنکھ پرنم ہے یہ دیکھا ہےمحبت کا اثر طیبہ کی گلیوں میں

درود ان پر، سلام ان پر، سلام ان پر، درود ان پر وظیفہ ہو یہی شام و سحر طیبہ کی گلیوں میں

Find Your Favorite Lyrics Anytime, Anywhere - Install the App Today!

فرشتے بھی ادب سے سرجھکاتے ہیں وہاں ارشد مری بھی کیوں نہ جھک جاۓ نظرطیبہ کی گلیوں میں