Ghulam Hain Ghulam Hain Rasool Ke Ghulam Hain

Dilon mein naqsh-e azmat-e Habib-e-Kibriya liye Nafs nafs mein nakhat-e sana-ye Mustafa liye Nazar nazar mein noor-e ishq-e Shah-e-Dosra liye Ghulam hain ghulam hain Rasul ke ghulam hain

Humara maqsad-e hayat zikr-e shan-e Mustafa Humari manzil murad Astan-e Mustafa Humara zauq-e guftagu faqat bayan-e Mustafa Zuban pe durud-e pak lab pe salam hain Ghulam hain ghulam hain Rasul ke ghulam hain

Naqeeb-e adl o aman hain payam-e Amaan hain hum Muhafiz-e huqooq har ghareeb o natawan hain hum AkhwatoN ke hain Ameen-e Mu'in-e bekasaan hain hum Payam-e rahmat Khuda baraye khaas o aam hain Ghulam hain ghulam hain Rasul ke ghulam hain

Woh kaun hain jo laayenge yahan nizam-e Mustafa Woh kaun hain jo payam-e Mustafa karenge aam Woh kaun hain zuban par hai jin ki naam-e Mustafa Woh kaun hain judi-e haq ki tegh be-niyaaz hain Ghulam hain ghulam hain Rasul ke ghulam hain

Nishaan-e shaitanat jahaan se bil-yaqin mitaayenge Qadam qadam par parcham-e haqqaniyat urayenge Hum aandhiyon ki zid pe bhi chiragh-e haq jalaayenge Baraye har adu-e deen fana ka hum payam hain Ghulam hain ghulam hain Rasul ke ghulam hain

Instant Access to Thousands of Lyrics - Tap to Install!

Nizam-e Mustafa hai kya payam-e hayat ka Nizam Mustafa hai kya raasta najaat ka Nizam-e Mustafa hai kya yeh hal hai mushkilat ka Suno suno ke de rahe tumhein yeh hum payam hain Ghulam hain ghulam hain Rasul ke ghulam hain