Gar Talab Se

Gar talab se bhi kuch maswa chahiye Un ka daman nahi chhorna chahiye

Dil ko deed-e-rukh-e-Mustafa ﷺ chahiye Aaine ke liye aaina chahiye

Hath mein daman-e-Mustafa ﷺ aa gaya Ik gunahgar ko aur kya chahiye

Le chalo ab Madine ko chara garo Mujh ko Taiba ki aab-o-hawa chahiye

Tum mile, dono aalam ki daulat mili Is se barh kar hamein aur kya chahiye

Find Your Favorite Lyrics Anytime, Anywhere - Install the App Today!

Niamatein dono aalam ki de kar mujhe Poochhte hain bata aur kya chahiye

Samne sarwar-e-do jahan ﷺ aa gaye Hashr mein aur Bismil ko kya chahiye