Firaq e Madina Main Dil Ro Raha Hai

فراق مدینہ میں دل رو رہا ہے جگر ٹکرے ٹکرے ہوا جارہا ہے

میری آنکھ سے چھینا طیبہ کا منظر میں کس بات کا تو نے بدلہ لیا ہے

دکھایا ہے دن یہ مقدر نے مجھ کو نہ شکوہ کسی سے نہ کوئی گلہ ہے

میرے دل کے ارماں رہے دل ہی دل میں یہی غم میرے دل کو تڑپا رہا ہے

سکوں تھا مجھے کوچہ مصطفیٰﷺ میں وطن میں میرا سب سکوں لٹ گیا ہے

نہ دنیا کی فکریں نہ غم تھا وہاں پر یہاں آکے دل آفتوں میں پھنسا ہے

میں لفظوں میں کیسے بتا دوں کسی کو کہ کیا کیا مجھے آج یاد آرہا ہے

پہاڑوں کی دلکش قطاروں کے جلوے وہ منظر مجھے یاد آرہا ہے

انہیں چومنا ہاتھ لہرا کر پیہم وہ لمحہ مجھے یاد آرہا ہے

عقیدت سے خاک مدینہ اٹھا کر اسے چومنا آج یاد آرہا ہے

کبھی چلتے چلتے اٹھا کر تنکے سجا لینا داڑھی میں یاد آرہا ہے

کبھی دید سرور کی حسرت میں منبر کو تکنا وہ چھپ چھپ کر یاد آرہا ہے

حسین وہ پیاری وہ جنت کی کیاری وہاں بیٹھنا آج یاد آرہا ہے

کبھی دیکھ کر سبز گنبد کا منظر جھکانا نظر آج یاد آرہا ہے

کبھی حاضری کے لیے گھر سے چل کر کھڑے ہونا قدموں میں یاد آرہا ہے

کبھی روتے روتے کبھی دل ہی دل میں سنانا انہیں حال یاد آرہا ہے

مدینے سے میں دور آکر پڑا ہوں یہ جینا بھی کیا جینا بھلا ہے

بچھڑ کر عبید رضا تیرے در سے پریشان ہے خوار ہے غمزدہ ہے

بلا لو عبید رضا کو بلا لو اگرچہ نکما ہے مگر وہ تیرا ہے