Fazal e Rab ul Ula Aur Kya Chahiye

فضلِ رب العلیٰ اور کیا چاہیے مل گۓ مصطفیٰ اور کیا چاہیے

دامنِ مصطفیٰ جس کے ہاتھوں میں ہو اس کو روزِ جزا اور کیا چاہیے

ان کے دربار میں حاضری ہوگئی مل گیا مدعا اور کیا چاہیے

گنبدِ سبز خوابوں میں رہنے لگا حاضری کا صلہ اور کیا چاہیے

بھیک کے ساتھ ہی انکے دربار سے مل رہی ہے دعا اور کیا چاہیے

Free Up Space - Get Lyrics Without Bulky Screenshots!

یہ جبیں اور ریاض الجنہ کی زمیں اب قضا کے سوا اور کیا چاہیے

ہے سکندرؔ ثناء خوانِ شاہِ امم عزت و مرتبہ اور کیا چاہیے