Eid Nabwi Ka Zamana Aa Gaya

Eid-e-Nabvi ka zamana aa gaya Lab pe khushiyon ka tarana aa gaya

Har sitare ko mili hai roshni Har kali ko muskurana aa gaya

Har taraf sall-e-ala ki dhoom hai Wajd mein sara zamana aa gaya

Parcham-e-Deen-e-Muhammad ﷺ ho buland Kufr ko gardan jhukana aa gaya

Kyun na ho qismat ke maron ko khushi Paas rehmat ka khazana aa gaya

Offline Lyrics Anytime, Anywhere - Download the App Today!

Aaj chamka do dar-o-deewar ko Aashiqon ka din suhana aa gaya

Shaad honton par hai naat-e-Mustafa ﷺ Haath bakhshish ka bahana aa gaya