Dunya Ke Ae Musafir

Duniya ke ae musafir manzil teri qabr hai Tae kar raha hai jo tu do din ka yeh safar hai

Jab se bani hai duniya, lakhon karoron aaye Baqi raha na koi mitti mein sab samaye Is baat ko na bhoolo sab ka yahi hashr hai

Duniya ke ae musafir manzil teri qabr hai

Find Your Favorite Lyrics Anytime, Anywhere - Install the App Today!

Aankhon se tu ne apni dekhe kayi janaze Hathon se tu ne apne dafnaye kitne murde Anjam se tu apne kyun itna bekhabar hai

Duniya ke ae musafir manzil teri qabr hai

Yeh aalishan bangle kuch kaam ke nahi hain Mehlon mein sone wale mitti mein so rahe hain Do gaz zameen ka tukra chhota sa tera ghar hai

Duniya ke ae musafir manzil teri qabr hai

Makhmal pe sone wale mitti pe so rahe hain Shah-o-gada yahan pe sab ek ho rahe hain Dono hue barabar yeh maut ka asar hai

Duniya ke ae musafir manzil teri qabr hai

Mitti ke putle tujh ko mitti mein hai samana Ik din yahan tu aaya ik din yahan se jana Rukna nahi yahan par jaari tera safar hai

Duniya ke ae musafir manzil teri qabr hai

Ae Fani Irfan! apne Maula se dil laga le Kar le Rab ko raazi, kuch nekiyan kama le Samaan tera yahi hai tu sahib-e-safar hai

Duniya ke ae musafir manzil teri qabr hai Tae kar raha hai jo tu do din ka yeh safar hai