Dill Main Ho Yaad Teri Gousha e Tanhai Ho

Dil mein ho yaad teri gosh-e-tanhai ho Phir to khalwat mein ajab anjuman aaraai ho

Aastana pe tere sar ho ajal aayi ho Aur ae jaan-e-jahan tu bhi tamashaai ho

Us ki qismat pe fida takht-e-shahi ki rahat Khak-e-Taiba pe jise chain ki neend aayi ho

Free Up Space - Get Lyrics Without Bulky Screenshots!

Ek jhalak dekhne ki taab nahi aalam ko Woh agar jalwa karein kaun tamashaai ho

Aaj jo aib kisi par nahi khulne dete Kab woh chahenge meri hashr mein ruswaai ho

Yehi manzoor tha qudrat ko ke saya na bane Aise yakta ke liye aisi hi yaktaai ho

Kabhi aisa na hua un ke karam ke sadqe Haath phailne se pehle na bheek aayi ho

Band jab khwab-e-ajal se hon Hasan ki aankhein Us ki nazron mein tera jalwa-e-zebai ho