Dill Main Ho Yaad Teri Gousha e Tanhai Ho

دل میں ہو یاد تیری گوشہء تنہائی ہو پھر تو خلوت میں عجب انجمن آرائی ہو

آستانہ پہ تیرے سرہواجل آئی ہو اوراے جان جہاں تو بھی تماشائی ہو

اُس کی قسمت پہ فدا تختِ شہی کی راحت خاکِ طیبہ پہ جسے چین کی نیند آئی ہو

اک جھلک دیکھنے کی تاب نہیں عالم کو وہ اگر جلوہ کریں کون تماشائی ہو

Instant Access to Thousands of Lyrics - Tap to Install!

آج جو عیب کسی پر نہیں کھلنے دیتے کب وہ چاہیں گے مری حشر میں رسوائی ہو

یہی منظور تھا قدرت کو کہ سایہ نہ بنے ایسے یکتا کے لیے ایسی ہی یکتائی ہو

کبھی ایسا نہ ہوا ان کے کرم کے صدقے ہاتھ پھیلنےسے پہلے نہ بھیک آئی ہو

بند جب خواِ اجل سے ہوں حسنؔ کی آنکھیں اس کی نظروں میں ترا جلوۃ زیبائی ہو