Dil Ki Dharkan Mein

Dil ki dhadkan mein hai maqam tera Zikr hota hai subah-o-shaam tera

Aur khulta hai dar-e-mohabbat ka Jab bhi aata hai lab pe naam tera

Woh zameen ho gayi falak rif'at Jis jagah bhi hua qayam tera

Baadshah ho gaye ghulam uske Hua khush-bakht jo ghulam tera

Hai laqab tera Rehmat-e-Aalam ﷺ Jari rehta hai faiz-e-aam tera

Ho teri yaad zeest ka hasil Lab pe naghma rahe mudam tera

Download Lyrics & Access Offline - Install Our App Now!

Aansuon ki zabaan se lete hain Soz-e-parwar ajab hai naam tera

Jis se milta hai rooh ko aaram Woh sukoon-bakhsh hai nizam tera

Aakhirat mein jo kaam aayega Zaad-e-uqba hai har payam tera

Aansuon se kahe fasana-e-jaan Ho huzoori mein jab ghulam tera

Mehve-hairat hain ahl-e-fan Hafiz Aisa shahkar hai kalam tera