Dil Ki Dharkan Mein

دل کی دھڑکن میں ہے مقام ترا ذکر ہوتا ہے صبح و شام ترا

اور کھلتا ہے در محبت کا جب بھی آتا ہے لب پہ نام ترا

وہ زمیں ہو گئی فلک رفعت جس جگہ بھی ہوا قیام ترا

بادشاہ ہو گۓ غلام اس کے ہوا خوش بخت جو غلام ترا

ہے لقب تیرا رحمتِ عالمؐ جاری رہتا ہے فیضِ عام ترا

ہو تری یاد زیست کا حاصل لب پہ نغمہ رہے مدام ترا

آنسوؤں کی زباں سے لیتے ہیں سوز پرور عجب ہے نام ترا

جس سے ملتا ہے روح کو آرام وہ سکوں بخش ہے نظام ترا

آخرت میں جو کام آۓ گا زادِ عقبی ہے ہر پیام ترا

Never Be Without Your Favorite Lyrics - Get the App for Offline Access!

آنسوؤں سے کہے فسانہء جاں ہو حضوری میں جب غلام ترا

محوِ حیرت ہیں اہلِ فن حافظؔ ایسا شہکار ہے کلام ترا