Dil Jis Se Zinda Hai Woh Tamana Tumhi Ho

Dil jis se zinda hai woh tamanna tumhi to ho Hum jis mein bas rahe hain woh duniya tumhi to ho

Sab kuch tumhare waaste paida kiya gaya Sab ghayaton ki ghayat-e-oola tumhi to ho

Jalte hain Jibra'eel ؑ ke par jis maqam par Uss ki haqiqaton ke shanas-a tumhi to ho

Jo ma-siwa ki had se bhi aage guzar gaya Ae reh-naward-e-jadah-e-Isra! tumhi to ho

Stop Wasting Storage - Download Lyrics in Lightweight Text Format!

Uth uth ke le raha hai jo pehlu mein chutkiyan Woh dard dil mein kar gaye paida, tumhi to ho

Duniya mein rahmat woh dahan aur kaun hai Jis ki nazeer, woh tanha tumhi to ho

Girte huon ko thaam liya jis ke haath ne Ae tajdar-e-Yathrib-o-Batha tumhi to ho