Dil Jis Se Zinda Hai Woh Tamana Tumhi Ho

دل جس سے زندہ ہے وہ تمنا تمہی تو ہو ہم جس میں بس رہے ہیں وہ دنیا تمہی تو ہو

سب کچھ تمہارے واسطے پیدا کیا گیا سب غایتوں کی غایتِ اولیٰ تمہی تو ہو

جلتے ہیں جبرائیلؑ کے پر جس مقام پر اس کی حقیقتوں کے شناسا تمہی تو ہو

جو ماسوا کی حد سے بھی آگے گزر گیا اے رہ نوردِ جادہ اسری! تمہی تو ہو

اٹھ اٹھ کے لے رہا ہے جو پہلو میں چٹکیاں وہ درد دل میں کر گۓ پیدا، تمہی تو ہو

دنیا میں رحمت وہ دہاں اور کون ہے جس کی نظیر، وہ تنہا تمہی تو ہو

گرتے ہوؤں کو تھام لیا جس کے ہاتھ نے اے تاجدار یثرب و بطحا تمہی تو ہو