Dil Dard Se Bismil Ki Tarah

Dil dard se bismil ki tarah lot raha ho Seene pe tasalli ko tera haath dhara ho

Gar waqt-e-ajal sar teri chaukhat pe jhuka ho Jitni ho qaza ek hi sajde mein ada ho

Har waqt karam banda-nawazi pe tula hai Kuch kaam nahi us se bura ho ke bhala ho

Dekha nahi mahshar mein to rahmat ne pukara Azaad hai jo aap ke daaman se bandha ho

More Lyrics, Less Storage - Install the App and Ditch the Screenshots!

Aata hai faqiron pe unhein pyaar kuch aisa Khud bheek dein aur khud kahein mangte ka bhala ho

Tum ko to ghulamon se hai kuch aisi mohabbat Hai tark-e-adab warna kahein hum pe fida ho

Shukr ek karam ka bhi ada ho nahi sakta Dil un pe fida jaan-e-Hassan un pe fida ho