Darpesh Ho Taiba Ka Safar Kaisa Lagega

Dar paish ho Tayyibah ka safar kaisa lagega Guzray jo wahan sham o sehar kaisa lagega

Aey kaash Madinah mein mujhe maut yun aaye Qadmon mein ho Sarkaar ke sar kaisa lagega

Aey pyare Khuda dekhun main Sarkaar ka jalwa Mil jaye duaa ko jo asar kaisa lagega

Jab dur se hai itna haseen gumbad-e Khizri Is par yeh aalam hai idhar kaisa lagega

Tayyibah ki saadat to yun paate hain hazaaron Murshid ka saath ho jo safar kaisa lagega

Aajayein mere ghar mein agar Rahmat-e-Alam Main kaisa lagun ga mera ghar kaisa lagega

Get Lyrics On-The-Go! Download Our App Now!

Pai hai Manoor ne qaza dar pe Nabi ke Aajaayein watan mein yeh khabar kaisa lagega