Chumoon Ga Kar Ik Rah

Choomon ga har ek raah-e-Madinah ko nazar se Shayad ke woh guzre hon isi raah-guzar se

Tasleem ke Yathrib hai bahut door nazar se Sarkar ﷺ hain nazdeek magar jaan-o-jigar se

Mumkin hai yahin un ke naqoosh-e-kaf-e-pa hon Mumkin ho to har raah-e-Nabi ﷺ mein chaloon sar se

Ek ek qadam ban gaya paigham-e-musarrat Nikla jo koi deed ka armaan liye ghar se

Har kaam pe takbeer ho har saans par tahleel Mehboob ﷺ ka ghar kam nahin Allah ke ghar se

Never Be Without Your Favorite Lyrics - Get the App for Offline Access!

Hasrat hai ke ab umr isi raah mein guzre Dil sair nahin hota Madine ke safar se

Un ka rukh-e-pur-noor ziya-baar hai kitna? Poochoon ga kisi roz yeh khursheed-o-qamar se

Is bandah-e-naamdar pe qurban khudai Dekhain hai Sarkar ﷺ mohabbat ki nazar se

Jibreel bhi khadim hai isi baab-e-karam ka Jibreel ko to qaid mili hai isi dar se

Ho sakti hai sairab abhi kisht-e-tamanna Baadal Shah-e-Konain ﷺ ki rehmat ka jo barse

Samjhe ga use koi fida-kaar-e-Madinah Khuddam ko nisbat hai jo Aaqa ﷺ ke nagar se

Din raat is andeshe se dil kaanp raha hai Mehroom na reh jaayen kahin un ki nazar se

Deedar-e-Madinah ki dua maang raha hoon Ya Rab! ho dua meri hum-aagosh-e-asar se