Chor Ke Tera Daman e Rehmat

Chhor ke tera daaman-e-rehmat Aaqa ﷺ hum se bhool hui hai Kho di apni qadr-o-qeemat Aaqa ﷺ hum se bhool hui hai

Had se guzri hai naadani koi bhi teri baat na maani Ghere hue hai nafrat-o-zillat Aaqa ﷺ hum se bhool hui hai

Ban gaye seem-o-zar ke bande tan ke ujle ban ke gande Chhin gayi hum se faqr ki daulat Aaqa ﷺ hum se bhool hui hai

No Internet? No Problem! Get the App for Offline Lyrics!

Jis ki khatir deen ganwaya us duniya se bhi kuch na paya Dil ki dil mein reh gayi hasrat Aaqa ﷺ hum se bhool hui hai

Ilm-o-amal ka rishta toota jab se tera daaman chhoota Firqa firqa ho gayi wahdat Aaqa ﷺ hum se bhool hui hai

Dekh hamari aankh macholi apne seene apni goli Bhool gaye hum dars-e-ukhuwwat Aaqa ﷺ hum se bhool hui hai

Dar pe tere aaye hue hain daaman ko phailaye hue hain Khol de apna baab-e-rehmat Aaqa ﷺ hum se bhool hui hai