Chhor Kar Tera Daman e Rehmat

Chhor kar tera daaman-e-rehmat Aaqa hum se bhool hui

Kho di apni qadr-o-qayamat Aaqa hum se bhool hui

Had se guzri hai naadaani Aap ki koi baat na maani

Ghere hue hai nafrat-o-zillat Aaqa hum se bhool hui

Get Lyrics On-The-Go! Download Our App Now!

Ban gaye seem-o-zar ke bande Tan ke ujle man ke gande

Chhin gayi hum se faqr ki daulat Aaqa hum se bhool hui

Dekhein hamari aankh macholi Apna seena apni goli

Bhool gaye hum dars-e-ukhuwwat Aaqa hum se bhool hui

Ilm-o-amal ka rishta toota Aaqa jab se aap ﷺ ka daaman chhoota

Firqa firqa ho gayi ummat Aaqa hum se bhool hui

Saari dunya mein thukraye hue Tumhare dar pe hain aaye hue

Aaqa ﷺ khol do hum pe baab-e-rehmat Aaqa hum se bhool hui