Bol Aye Sakhta Jaan

Bol ae sokhta jaan rahat-e-jaan hai ke nahin Shahr-e-Mehboob-e-Khuda koo-e-jinan hai ke nahin

Saans mein lams ghulati ye hawa-e-Khizra Rooh tak lutf-o-inayat ka samaan hai ke nahin

Phool to phool hain kaante bhi amaan-geer hue Ye jahan rahmat-e-aalam ka jahan hai ke nahin

Stop Wasting Storage - Download Lyrics in Lightweight Text Format!

Masjid-e-Nabvi ﷺ se aati hui aawaaz ko sun Ye azaan ishq-e-Bilali ki zabaan hai ke nahin

Fakhtaein hi nahin amn bhi rehta hai yahan Sab jaise dhoond rahe hain wo yahan hai ke nahin

Daawa-e-ishq-e-Nabi ﷺ to nahin Taabaan lekin Harf mein un ki mohabbat ka gumaan hai ke nahin