Bol Aye Sakhta Jaan

بول اے سوختہ جاں راحتِ جاں ہے کہ نہیں شہرِ محبوبِ خدا کوۓ جناں ہے کہ نہیں

سانس میں لمس گھلاتی یہ ہواۓ خضریٰ روح تک لطف وعنایت کا سماں ہے کہ نہیں

پھول تو پھول ہیں کانٹے بھی اماں گیر ہوۓ یہ جہاں رحمتِ عالم کا جہاں ہے کہ نہیں

No Internet? No Problem! Get the App for Offline Lyrics!

مسجدِ نبویؐ سے آتی ہوئی آواز کو سن یہ اذاں عشقِ بلالی کی زباں ہے کہ نہیں

فاختائیں ہی نہیں امن بھی رہتا ہے یہاں سب جیسے ڈھونڈ رہے ہیں وہ یہاں ہے کہ نہیں

دعویٰ عشقِ نبیؐ تو نہیں تاباںؔ لیکن حرف میں ان کی محبت کا گماں ہے کہ نہیں