Bigri Bhi Banayein Ge

Bigri bhi banayenge jalway bhi dikhayenge Ghabrao na deewano ! Sarkar ﷺ bulayenge

Hum Masjid-e-Nabvi ke dekhenge minaron ko Aur Gumbad-e-Khizra ke pur-noor nazaron ko Hum jaake Madina phir wapas nahi aayenge

Mil jayengi tabeerein ek roz to khwabon ki Gir jayengi deewarein sab dekhna raahon ki Hum Rauza-e-Aqdas par jab aansu bahayenge

Why Screenshot When You Can Download? Get the App for Efficient Storage!

Jab hashr ke maidan mein ek hashr bapa hoga Jab faisla ummat ka karne ko Khuda hoga Ummat ko Shah-e-Batha ﷺ daaman mein chupayenge

Dil ishq-e-Nabi ﷺ mein tum kuch aur tarpne do Is deed ki aatish ko kuch aur bhadakne do Hum tishna dili chal kar Zam Zam se bujhayenge