Bazam e Tasawuraat Saji Thi Abhi Abhi

Bazm-e-tasawwurat saji thi abhi abhi Nazron mein Mustafa ki gali thi abhi abhi

Maloom kar rahe thay farishton se Jibraeel Kis ne Nabi ki naat parhi thi abhi abhi

Arsh-e-bareen ko iski bulandi pe rashk hai Sar un ke aastaan pe jhuka hai abhi abhi

More Lyrics, Less Storage - Install the App and Ditch the Screenshots!

Lo aa gaya hai woh gumbad-e-Hizra bhi saamne Meri nazar se parda utha hai abhi abhi

Qudrat ne phool is pe karam ke lita diye Jis ne un ka qaseeda parha hai abhi abhi

Lo ho gaya karam woh mehfil mein aa gaye Munkir se meri shart lagi thi abhi abhi

Woh mujh ko bakhshwayein ge mahshar ke din Riazؔ Un ke karam ka muzhda mila hai abhi abhi