Bayan Kyun Kar Sana e Mustafa Ho

Bayan kyun kar sana-e-Mustafa ho Khuda jab un ka khud midhat sara ho

Madine ki mohabbat mein jo roye Ata woh aankh meethe Mustafa ho

Salam-e-shauq kehdena adab se Guzar su-e-Madinah jab saba ho

Tarap kar Ya RasoolAllah pukaro Nahi mumkin na Aaqa ne suna ho

Ata kardo mujhe woh bheek Daata Mere saare qabile ka bhala ho

Your Lyrics, Even Offline - Install the App for Free!

Karoon be-laus khidmat sunnaton ki Shaha gar lutf mujh par aap ka ho

De jazba Madani Inamaat ka to Karam Ya Sayyid-e-har do sara ho

Main Madani qafilon hi ka musafir Rahoon aksar karam aisa shaha ho

Karam ho Dawat-e-Islami par yeh Shareek is mein har ik chhota bara ho

Main sab daulat reh-e-haq mein luta doon Shaha aisa mujhe jazba ata ho

Gunahon ne kahin ka bhi na chhora Karam mujh par Habib-e-Kibriya ho

Gunahon ki chhutay har ek aadat Sudhar jaaun karam Ya Mustafa ho

Kati hai ghaflaton mein zindagani Na jaane hashr mein kya faisla ho

Karam ho wasita kul Auliya ka Mira eeman pe Maula khatima ho

Mere aamal tole ja rahe hain Shafa'at Shafi-e-roz-e-jaza ho

Ilahi hoon bahut kamzor banda Na dunya mein na uqba mein saza ho

Baroz-e-Hashr Aaqa kaash! keh dein Tum aye Attar dozakh se riha ho