Basa Qalb o Nazar Main Khayal e Gumbad e Khazra

Basa qalb-o-nazar mein hai khayal-e-Gumbad-e-Khizra Meri sochon ka mehwar hai jamal-e-Gumbad-e-Khizra

Bari parwaaz hai maana teri ae taair-e-Sidra Magar tu bhi na chhoo paaye kamaal-e-Gumbad-e-Khizra

Shab-e-Meraj ke asraar se jo maarifat paaye Wohi ahl-e-nazar jaane hai haal-e-Gumbad-e-Khizra

Offline Lyrics Anytime, Anywhere - Download the App Today!

Jahan bhar ke nazaron se miti na tishnagi apni Meri aankhon ki hasrat hai visaal-e-Gumbad-e-Khizra

Bahaarein dekh kar arz-o-sama ki dil yahi bole Nahi kaunain mein kuch bhi misaal-e-Gumbad-e-Khizra

Ajab deewangi dekhi Razaؔ ki yaum-e-mahshar mein Kiye jaaye hai Rizwaan se sawaal-e-Gumbad-e-Khizra