Baroz e Mehshar Shafi e Umat

Baroz-e-mahshar shafee-e-ummat pyaas sab ki bujha rahe hain Habib-e-Rab hi Khuda se bakhshish kara ke jannat dila rahe hain

Huzoor jis dam jahan mein aaye khushi se har ik yeh geet gaaye Siwaye Iblees ke sabhi toh gharon mein jhande laga rahe hain

Woh noor jis ko banaya Rab ne zameen se pehle zaman se pehle Usi se shams-o-qamar sitare bhi aaj jagmaga rahe hain

No Internet? No Problem! Get the App for Offline Lyrics!

Huzoor jis dam huye hain paida gire hain Kaaba mein Laat-o-Uzza Jahan walo Shah-e-Arab ka yeh mujaza hum suna rahe hain

Habib-e-Rab ki hui hai aamad adab se uth kar salam bhejo Sahar ki bheeni fiza mein Rooh-e-Amin yeh naghma suna rahe hain

Jala ke dil mein charagh-e-ulfat mitao nafrat zulmat Yehi toh Arab-o-Ajam ke Aaqa shuru se hum ko bata rahe hain

Shafee-e-roz-e-shumar bhi hain Habib-e-Parwardigar bhi hain Hamare Aaqa Huzoor-e-Akram aye Abd dekho woh aa rahe hain