Ayi Phir Yaad Madine Ki

Aayi phir yaad Madine ki rulane ke liye Dil tadap utha hai darbar mein jaane ke liye

Free Up Space - Get Lyrics Without Bulky Screenshots!

Kaash main udta phiroon khaak-e-Madinah ban kar Aur machalta rahoon Sarkar ko paane ke liye

Mere lajpal ne ruswa na kabhi hone diya Jab pukara unhein aaye hain bachane ke liye

Gham nahi chhod de yeh sara zamana bhi mujhe Mere Aaqa toh hain seene se lagane ke liye

Yeh toh bas un ka karam hai ke woh sun lete hain Warna yeh lab kahan fariyaad sunane ke liye

Phir mayassar tujhe deedar-e-Madinah hoga Woh bulayenge tujhe jalwa dikhane ke liye

Mujh gunahgaar o khata-kaar ko mehshar mein Adeel Honge maujood woh daaman mein chupane ke liye