Aye Nigah e Shouq

Ae nigah-e-shauq khul kar dekh le dilkash saman Un ﷺ ka roza jab hai tere samne jalwa fishan

Aur tak pur-kaif khamoshi se hai chhayi hui Muskurati hai fiza, taron ko neend aayi hui

Un ﷺ ke roze par yun sajde kar rahi hai chandni Char su phaili hui hai, ek muattar roshni

Kar diya hai chandni ne, aisa mast-o-shadman Meri aankhon ne kabhi dekha nahin aisa saman

Dekhta hoon jis taraf, hai ek aalam noor ka Kya bataun khench kar, naqsha dil-e-masroor ka

No Internet? No Problem! Get the App for Offline Lyrics!

Noor ka sailab thathein marta hai char su Har taraf se aa rahi hai roshni kar ke wuzu

Aasman par chand tare, mahw-e-istighraq hain Aur masroof-e-sana sab aap ﷺ ke mushtaq hain

Hai badan mera zameen par rooh hai aflak par Ho nazar ae Saqi-e-Kausar mere idraak par

Khuld se aa kar farishtey bhi mazar-e-pak ko Jhaadte hain apni palkon se khas-o-khashak ko

Mail-e-banda-nawazi hai Khuda, sach ba-Khuda Baantte khairaat hain, Khair-ul-Wara, sach ba-Khuda

Is haseen manzar ko sher'on mein bayan kaise karun Chashm-e-Ahmar ne jo dekha hai ayan kaise karun