Aye Kash Sana

Ae kaash ! sana ma'raz-e-izhaar mein aaye Jab ism-e-girami ﷺ, meri guftar mein aaye

Hain sab hi hidayat ke darakhshanda sitare Khush bakhti se jo suhbat-e-Sarkar ﷺ mein aaye

Rif'at pe fida us ki hai kaiwan ki bulandi Muflis jo koi halqa-e-abrar mein aaye

Dil ki yeh tamanna hai ke woh mah-e-Madinah ﷺ Ek lamha ko aaina-e-deedar mein aaye

Naaton ﷺ mein jo kaifiyat-e-ikhlas hai zahir Ae kaash woh aaina-e-kirdar mein aaye

Why Screenshot When You Can Download? Get the App for Efficient Storage!

Banti hi nahin baat yahan aur wahan ki Jab tak na amal, uswa-e-Sarkar ﷺ mein aaye

Ae Sayyid ﷺ o Sardar-e-Umam ﷺ, chashm-e-karam ho Yeh noor-e-khata kar bhi darbar mein aaye